Jumladan, bugun poytaxtimizning Uchtepa tumanidagi 81-sonli ixtisoslashtirilgan davlat umumta'lim maktabida ham birinchi o'qituvchisidan ilk saboqlarni olgan jajji o'g'il-qizlar uyushtirgan dastur barchada iliq taassurot qoldirdi.

Tadbirda yosh pedagog Gulira'no Yo'ldosheva rahbarlik qilayotgan 1-“A” sinf o'quvchilari o'qishga bo'lgan zo'r ishtiyoqini o'z ustozlari va ota-onalari qarshisida sahnada namoyish etib berishdi. Qalblari beg'ubor soddalik va samimiyatga yo'g'rilgan, ko'zlari porlab turgan jajji o'quvchilar Yangi O'zbekistonimiz uchun yana bir mustahkam poydevor yaratilayotganidan dalolatdir.